Дървен материал от www.emsien3.com

The best bookmaker bet365

The best bookmaker bet365

Menu
RSS

Вежби за борба против анксиозноста

Анксиозноста се смета за природна човечка емоција или збир од чувства кои секој може да ги доживее во некое време од животот. Најчести индикатори се загриженост и чувство на неизвеснот...

Анксиозноста е психолошко-физичка состојба и се разликува од стравот кој претставува емоционална реакција при перцепирана опасност и се однесува на избегнување на одредена ситуација. Анксиозноста се јавува во ситуации кои се перцепирани како неизбежни или не е можно да се контролираат, односно состојба со која личноста се соочува со негативни настани. Психолошки симптоми на анксиозноста се: чувство на загриженост и ужас, проблеми со концентрација, раздразливост, чувство дека ќе се случи нешто лошо, немир.

Анксиозноста има и физички симптоми како палпитации на срцето, чувство на умор, недостиг на здив, чувство на слабост во мускулите, тензии, понекогаш чувство на зашеметеност и главоболка. Крвниот притисок и пулсот се покачуваат, се јавува појава на зголемено потење, а можат да се јават и други надворешни симптоми како бледо лице и треперење.

Доколку симптомите се повторуваат секојдневно и му пречат на едно лице да ги извршува секојдневните работни обврски, голема е веројатноста да станува збор за анксиозно нарушување и во тој случај симптомите се јавуваат дури без посебна причина и многу го отежнуваат животот на таа личност. Во тој случај потребна е посета на психолог или психијатар и во зависност од вашата состојба ќе се одреди дали е потребна психотерапија, терапија со медикаменти (анксиолитски лекови) или пак комбинација од двете.

Многу често анксиозното нарушување се јавува во комбинација со депресија и таа состојба е наречена анксиозно-депресивно нарушување или пак доколку анксиозноста е премногу силна, можат да се јави панично нарушување со или без агорафобија. Овие термини во психијатријата не се сметаат за болести туку состојби и постојат ефективни третмани во облик на психотерапија и/или медикаменти во облик на таблети (ансиолитски и антидепресивни лекови).

Доктор Џонти Хиверсеџ во својата книга „The Mindful Manifesto“ објаснува како освестувањето може да помогне во лекување на анксиозноста.

„Концентрирајте се на дишењето. Почувствувајте како воздухот ви струи низ ноздрите, се спушта низ грлото и во белите дробови. Почувствувајте ги отчукувањата на срцето и замислете како тоа ја пумпа крвта со кислородот низ вашето тело. Продолжете се додека не почувствувате дека сте подготвени за медитација. Пренасочете го вашето внимание на мислите кои ве вознемируваат. Кои мисли се присутни во вашиот ум во овој момент? Анализирајте ги тие мисли објективно, немојте да реагирате емотивно“, пишува доктор Хиверсеџ.

Постои мислење дека, додека медитирате, треба да имате „празен“ ум. Имено, обидот да ги запрете мислите, може само да предизвика натамошна борба во вас. Треба да ги третирате мислите за време на медитацијата како да ви свири радио во позадина - можете да го слушнете, но вашето внимание насочено е на нешто друго.

Во состојба на свесноста вие обрнувате внимание на фактот дека имате мисли, но не го слушате тоа што тие имаат да ви кажат. Обидете се мислата да не ја карактеризирате како „добра“ или „лоша“. Негувајте го ставот на сталоженост без оглед на тоа што се случува во вашиот ум. Следете ги своите мисли со љубопитност и нежност. Кога и да забележите дека умот ви „заскитал“, нежно вратете го вниманието кон набљудување на мислите. Будењето може да биде напорно, така што е најдобро во почетокот да работите во покуси периоди.

Вежби против анскиозност

Грижите, нападите на паника, изолацијата, проблемите со спиењето, проблеми со варењето на храната, напнати мускули, опсесивноста и потењето – сите овие се симптоми на анксиозност.

Анксиозноста влијае врз врските, го влошува животот, ја намалува способноста за работа и го влошува врските со другите луѓе. Сепак, постои лек.
Клиничките истражувања покажуваат дека постојат барем два типови на терапија кои помагаат при намалување на анксиозноста – терапијата со когнитивна активност и терапијата со медикаменти. Да, сите знаеме дека секоја терапија не делува еднакво кај секого. Секогаш треба да постои избор. За среќа, постојат стабилни докази дека овие две терапии се ефикасни при лечењето на анксиозноста.

Беа направени околу 50 истражувања надвор од психијатриската клиника каде што беа испитувани ефектите на анксиозноста кај поединци кои се жалеле од стрес. Се покажа дека физичката активност може значително да го намали нивото на анксиозност и да ја зголеми позитивната енергија. Експертите сметаат дека е потребно вежбање од 30-40 минути и тоа три пати во текот на неделата.

Вежбањето се покажало како најкорисно при намалување на нападите на паника и компулсивното однесување. Вежбањето во период од 10 недели ги намалиле нападите на паника кај испитаниците исто како да го примале медикаментот Хлорапамин. Исто така, постојат докази дека кога вежбањето се комбинира со терапија за когнитивна активност има навистина големи придобивки.

Со текот на времето се појавуваат и нови истражувања на оваа тема. Кога станува збор за депресијата, не мора ни да се чека 10 недели. За лицата кои чувствуваат анксиозност, промената на расположението може да се забележи после првите 10 минути од вежбањето.
Затоа, додека истражувачите наоѓаат нови докази за да покажат дека вежбањето ја намалува анксиозноста, правете и други работи кои можат да Ве смират: разговарајте со блиски пријатели, активно решавајте ги проблемите, одморете се, пишувајте, посетете психолог и вежбајте умерено барем 30 минути во текот на денот.

 
Share

Соработници и партнери